HammerTime

Atvinnuleysi og aðgerðarleysi. Þessi tvö orð hafa verið stór partur af lífi mínu undanfarna daga og ég sé fram á það þau spili jafnvel stærri rullu í sumar.

Utd. tekur Barce í kvöld. Leikurinn fer 2-1, Rooney og Park skora fyrir Utd. en Messi fyrir Barce.

Í febrúar árið 2011 verður frumsýnd íslensk teiknimynd sem ég er mjög spenntur fyrir Thor: The Edda Chronicles. Skari Skrípó að leikstýra, það boðar gott. Dýrasta mynd Íslands frá upphafi. 1,2 milljarðar. Hægt er að horfa á brot úr myndinni hér fyrir neðan:



Lag dagsins er Sunshine með Atmosphere og er hægt að hlusta á það hér:

http://www.zshare.net/audio/6059605126738332/

Ég á skilið að hafa það svo miklu betra

Superbowl var á sunnudaginn, þessi leikur var klárlega mest spennandi NFL leikur sem ég hef séð og ég hef séð þá marga. Mitt lið tapaði reyndar enda eru Arizona Cardinals í NFL eins og FB í Gettu Betur á þessu ári, reynslumiklir og góðir í sókn en samt ekku besta liðið. Vorum þegar mest var 10 strákar samankomnir hjá Sigurði Árna til að horfa á þetta fjör, ekki voru samt allir með reglurnar á hreinu (sjá mynd) en ég, Ragnar og Hafsteinn keyptum kjúklingavængi á hópinn og Hafsteinn eldaði þá og voru þeir skuggalegir. Hann skuldar mér samt fyrir Miller klúðrið alræmda.

Ég sá það í fréttum að það snjóaði smávegis í Bretlandi og allt fór í fokk. Mér finnst magnað að stórþjóð sem þessi skuli láta snjóskafl stoppa lestir.

Ég er ósáttur með stjórn VG og Samfó. Ekki útaf því að styð ekki flokkanna heldur af því að þessi stutta ríkisstjórnarseta býður eingöngu uppá fylgistap, gæti mögulega orðið til þess að þessi 'draumastjórn' mín verði ekki til staðar eftir boðaðar kosningar. Framsókn á örugglega eftir að bæta við sig fylgi þó svo að Sigmundur Davíð líti út eins og keisarinn í Star Wars (þvílíkir baugar!) og sé mögulega jafn valdagráðugur. Ég hef líka verið að velta fyrir mér hvernig fólk getur verið að vernda stefnu Sjálfstæðismanna sem kom okkur í heimsfréttirnar og líka skrifað greinar um að núverandi ríkistjórn hafi staðið sig illa, hún er ekki viku gömul. Talandi um að Skattman sé kominn í fjármálaráðuneytið og eitthvað. Frekar vil ég borga hærri skatta fyrir góða almenningsþjónustu en enga skatta og vera riðið í rass af frjáls markaðinum.

Fuglaflensa

Ég er búinn að veikur í viku, hver einasti dagur er á eftirfarandi hátt:

Vakna um kl 12 og fer í 2 tíma hóstakast sem er svo vont að ég tárast. Restin af deginum hósta ég á svona 30 sek fresti. Fer að sofa um kl 00:00, sofna kl 02:00. Vakna kl 04:00 og fer í 2 tíma hóstakast sem er svo vont að ég tárast. Reyni að sofna það tekur svona 2 tíma. aftur og aftur og aftur.

Með þessu áframhaldi á þetta eftir að angra mig í febrúar.

Fór í afmæli í gærkvöldi sem var gott stuff, fékk mér nokkra litla bjóra og tók nokkrar myndir. Afmælisbarnið var hún Harpa Snædís (sjá mynd fyrir ofan) og það er á tæru að sjaldan hafa komið saman jafn heitar stelpur, goddamnit. Ungfrú Íslands var á svæðinu og hékk utan í mér, hún fékk samt nada. Ingimar fór á kostum þegar ég ræddi við hann um hvernig Landsbankadeildin myndi fara næsta sumar og var það tekið uppá vidjó sem er hérna fyrir neðan. Hvað var líka málið með þessa chips ídýfu, hiklaust sú besta sem ég hef smakkað

http://tinypic.com/player.php?v=5zoei0&s=5 videoið af Ingimari

Frekar vil ég vera fátækur

Nú get ég ekki opnað neitt einasta blað eða farið á netið án þess að sjá dóm um myndina Slumdog Millionaire og er myndin að fá fullt hús allstaðar. Það væri ekki frásögufærandi ef ég hefði ekki lesið bókina sem þessi mynd er byggð á, íslenska þýðingin er Viltu Vinna Milljarð?, og er án efa versta og leiðinlegasta bók sem ég hef lesið. Alltof margar leiðinlegar persónur sem allar þurfa líka að vera í myndinni vegna þess að annars gengur söguþráðurinn ekki upp. Ég vona svo innilega að þessi mynd fái ekki Óskarinn sem besta myndin, þó svo að ég hafi ekki séð hana og ég á ekki von á því að ég muni nokkurntímann horfa á hana.

Eins og kannski margir sem þekkja mig vita þá horfi ég gríðarlega mikið á sjónvarpsefni, bæði í tölvunni og sjónvarpinu. Jay Leno er þáttur sem ég missi sjaldan af og á stað í hjarta mínu en nú verður hann örugglega ekki sýndur á Skjá Einum þegar hann hættir í The Tonight Show og fær svipaðan þátt sem er fyrr á dagskrá hjá NBC en þá tekur Conan O'Brien við. En ég þarf þó ekki að gráta hann þarsem ég hef fundið arftaka.

http://www.colbertnation.com/

Gátum betur en hinir

Nú er það komið á hreint að lið FB, sem ég er einmitt í, er komið í aðra umferð í Gettu Betur þetta árið og hefur liðið þá jafnað árangur sinn frá því fyrra og eins og í fyrra þá er markmiðið liðsins að komast í 8. liða úrslit í minnsta lagi sem ég tel mjög raunhæft markmið. Liðið er óbreytt frá því í fyrra og eru þeir Þorvarður (fyrir miðju) og Hjörtur (til hægri) með mér í því.

Í fyrstu umferð mættum við liði Tækniskólans sem er samansafn átta skóla og vorum við fyrstir til að sigra þessa átta skóla enda erum við færir í flestan sjó. Þó svo að við höfum verið undir eftir hraðasp. þá héldum við kúlinu og unnum örugglega 18-11. Þó er ég ennþá ósáttur með að hafa flaskað á að vita nafn heimavallar Fulham og fullt nafn Mugison.

Dregið verður í næstu umferð næstkomandi mánudag. Ég ætla ekkert að fela það að ég væri frekar til að mæta Hvanneyri eða VMA en MR eða MK.

Annað í fréttum er að ég er að lesa tvær bækur, Sólkross eftir Óttar M. Norðfjörð og A Thousand Splendid Suns eftir Khaled Hosseini. Sólkross er ekki jafngóð og ég bjóst við en samt alveg þess virði að lesa og reyndar er ég aðeins búinn með 30 bls. í þeirri seinni þannig að ég ætla ekki dæma hana strax. Sólarþema í bókunum hjá mér.

Yfir og út